Wees voorbereid op oorstromings

• Ken die vloedrisiko van jou gebied.
• Bly op hoogte van die weerdienste se waarskuwings.
• Indien kitsvloede ’n risiko in jou buurt is, moniteer moontlike tekens soos swaar reën.
• Leer en oefen ontruimingsroetes.
• Maak voorraad bymekaar ingeval jy van die buitewêreld afgesny word. Hou elke persoon se behoeftes in gedagte, insluitend medikasie.
• Maak seker noodkommunikasietoestelle is gelaai en gereed vir gebruik.

Indien ’n oorstroming jou wel tref

• Beweeg na of bly op ’n veilige plek.
• Moenie deur vloedwater loop, swem of ry nie. Vinnig bewegende water van ongeveer 15 cm diep kan jou voete onder jou uitslaan en water van 30 cm diep kan jou voertuig meesleur.
• Bly weg van brûe oor vinnig bewegende water. Só ’n brug kan sonder waarskuwing meegee.
• As jou voertuig deur water meegesleur word, bly in die voertuig. As water begin instroom, klim op die dak van jou voertuig.

Wees só veilig ná ’n vloed

• Volg instruksies van owerhede.
• Bly weg van vloedwater aangesien dit gevaarlike rommel kan bevat en besmet kan wees.
• Wees bewus van die risiko’s van elektriese skok.